Protestat e nisura nga studentët kanë hyrë në ditën e katërt dhe janë shtrirë edhe në qytete të tjera. Studentë, pedagogë dhe pensionistë thonë se dalin në rrugë për koston e lartë të arsimit dhe të jetesës, mungesën e meritokracisë dhe korrupsionin.
Përleshjet kanë lënë dhjetëra të lënduar, sipas autoriteteve kryesisht policë, si dhe ndërtesa publike të dëmtuara dhe dyqane të plaçkitura. Vetëm në mbrëmjen e 15 tetorit u ndaluan 160 protestues, ndërsa mësimi është bojkotuar në disa universitete dhe gjimnaze.
Protestuesit kërkojnë dorëheqjen e qeverisë, një qeveri teknike dhe zgjedhje të parakohshme. Kryeministri Rama refuzon të largohet dhe fajëson “duar të huaja” për trazirat.


